इजरायली खुफिया विभाग के जानकारी मिलल बा कि हिजबुल पहिले हमला करी। एहमें ईरान शामिल होखी। इजरायल के रक्षा मंत्री ई जानकारी अमेरिकी रक्षा सचिव के दिहले बाड़न। इहो कहल गइल कि अबकी बेर हमला पिछला सगरी हमला से बेसी भयावह आ खतरनाक होखी।
इजरायल के रक्षा मंत्री योएव गैलेंट अमेरिकी रक्षा सचिव लॉयड ऑस्टिन से कहले कि ईरान बड़हन पैमाना पर सैन्य हमला के तइयारी में बा। ई रिपोर्ट Axios नाम के एगो मीडिया संगठन के रिपोर्टर बराक राविड अपना एक्स (X)हैंडल पर साझा कइले बाड़न। एगो बयान में इजरायल के रक्षा मंत्रालय एह बात के पुष्टि कइले बा कि ऊ लोग अमेरिकी रक्षा सचिव से एह बारे में बात कइले बा। एकरा अलावे लॉयड अवुरी गैलेंट ईरान के उचित जवाब देवे खाती परिचालन अवुरी रणनीतिक समन्वय प भी चर्चा कईले। ऑस्टिन कहले कि अमेरिका मध्य पूर्व में गाइडेड मिसाइल पनडुब्बी लगावे के निर्देश देले बा। गैलेंट इहो कहले कि इजरायली सेना ईरान के हमला के जवाब देवे खाती तैयार बिया।
एकरा से पहिले बियफे यानी 9 अगस्त के ईरानियन रिवोल्यूशनरी गार्ड्स के डिप्टी कमांडर के हवाला देत स्थानीय समाचार एजेंसी लिखले रहली कि ईरानी सेना सुप्रीम लीडर आयातल्लाह अल खामेनी के आदेश पर हमला करे खातिर तइयार बिया। ई हमला 31 जुलाई के हमास के राजनीतिक नेता इस्माइल हनिया के हत्या का बाद कइल जा रहल बा। इजरायली खुफिया जानकारी का मुताबिक ईरान एक दू दिन में हमला कर सकेला। इजरायली खुफिया रिपोर्ट में कहल गइल बा कि ई हमला गाजा के बंधक आ युद्धविराम समझौता खातिर बातचीत का बाद होखी। गुरुवार यानी 8 अगस्त के हमला के संभावना रहे। ताकि इजरायली सौदा खतम हो जाव।
काहे कि इ एगो अइसन सौदा रहे जवन इजरायल अउरी हमास के साथे अब कबो ना हो सकत रहे| लेकिन एगो सूत्र के कहनाम बा कि अभी भी स्थिति गंभीर बा। कुछुओ ना कहल जा सके। पिछला 24 घंटा में मिलल खुफिया जानकारी के मुताबिक ईरान पछिला एक सप्ताह में इ तय ना कईले रहे कि कवना दिन हमला करी। काहे कि उनुका पर अंतर्राष्ट्रीय दबाव रहे। सर्वोच्च नेता खामेनी हमला स्थगित करत रहले भा इजरायल पर हमला के तीव्रता कम करत रहले। बाकिर ईरान बियफे का दिने संयुक्त राष्ट्र में दिहल बयान में कहलसि कि समय रहते हमनी के जवाब मिल जाई। एकरा के अईसन हासिल कईल जाई कि युद्धविराम प एकर कवनो असर ना पड़ी। बाकिर इजरायल के रक्षा मंत्री गैलेंट एह बारे में अमेरिकी रक्षा सचिव से बात कइलन। ओह लोग के बतवले कि ईरान कइसे तइयारी करत बा जवन बड़हन पैमाना पर हमला हो सकेला।
एही बीच इजरायली खुफिया विभाग के जानकारी मिलल बा कि पहिला हमला हिजबुल के ओर से होई। काहे कि बेरूत में इजरायली हमला में ओकर शीर्ष कमांडर मारल गइल रहे। एकरा बाद ईरान एह हमला में शामिल हो जाई। इ हमला बड़ पैमाना प इजरायल प होई। अप्रैल में ईरान के हमला से कई गुना ताकतवर। काहे कि हिजबुल के घर में बनल ड्रोन आ मिसाइल काफी जानलेवा होला। एह हमला के फायदा उठावत ईरान अपना ताकतवर मिसाइल से इजरायली महत्वपूर्ण निशाना पर निशाना बनाई। इजरायल के रक्षा मंत्री के इहो आशंका बा कि अबकी बेर हिजबुल के हमला अउरी खतरनाक हो जाई।
