बॉलीवुड:अभिनेता राजकुमार राव आ श्रद्धा कपूर के बहुप्रतीक्षित फिलिम STREE 2 15 अगस्त से सिनेमाघरन में आइल बिया| ई सिनेमा साल 2024 के अबले के सबले बड़का ओपनर फिलिम साबित भइल बा| STREE 2 देखे खातिर सिनेमाघरन में प्रशंसकन के खचाखच भरल भीड़ लउकत बा| लेकिन टिकट बहुत महंगा होखला के चलते बहुत लोग एकरा ओटीटी प आवे के इंतजार करतारे। लेकिन हम रउआ सभे के एगो एसी ट्रिक बतावे जा रहल बानी जवना से रउआ भी महज 29 रुपया में फिल्म देख सकेनी। STREE 2 जल्दिए ओटीटी पर भी हिट होखे वाला बा|
बता दीं कि STREE 2 नेटफ्लिक्स आ जियो सिनेमा ओटीटी दुनु प्लेटफार्म पर रिलीज होखी| अयीसना में आप सिर्फ 29 रुपया में जियो सिनेमा के सब्सक्राइब लेके फिल्म देख सकतानी। जियो सिनेमा के मासिक प्लान सबसे सस्ता बा|
STREE 2 के रिलीज के बाद ही ओटीटी प रिलीज होखे के संकेत मिलल बा। इ बात अभिनेत्री खुद देले बाड़ी, जवना में श्रद्धा कपूर के फोटो के संगे-संगे लिखल बा कि उ श्रद्धा हई, उ कुछूओ क सकतारी। पोस्टर प नेटफ्लिक्स के लोगो साफ-साफ देखाई देता। खबर बा कि ई फिलिम जियो सिनेमा पर भी रिलीज होखे जा रहल बा। एकरा संगे-संगे अगर रिलीज डेट के बात कईल जाए त अभी तक एकर पुष्टि नईखे भईल| बाकिर अटकल लगावल जा रहल बा कि सितंबर के दुसरका हफ्ता में ई ओटीटी पर स्ट्रीम हो सकेला|
बता दीं कि ‘स्ट्री 2’ 2018 के फिल्म ‘स्ट्री’ के सीक्वल ह| एकर पहिला भाग के भी जनता से खूब प्यार मिलल आ अब एकर दूसरा भाग आ गईल बा। अमर कौशिक के निर्देशन में बनल एह फिलिम के जनता से बढ़िया रिस्पांस मिल रहल बा|
